順風唔係一盤生意，只係我一個命理愛好者自己整嘅 project。
收嘅錢只係啱啱好 cover 到網站運行成本，再加當係請我飲杯咖啡。

質素冇打折——引擎用嘅係同一個紫微斗數框架、同一套古籍 reference、一樣會做多輪驗證。
我花咗大量時間去校正知識庫、設計推理邏輯，呢啲全部都冇變過。

我整順風嘅原因好簡單：
想等更多人接觸到呢套千年算命框架，唔再覺得「貴到唔敢試」。

想驗證質素？
可以去「關於順風」頁面睇對照表，或者直接試一份 HKD$88 大批。

順風完全唔會掂到你張信用卡資料。所有付款由 Stripe 處理——Stripe 係全球最大型嘅支付平台之一，Apple、Google、Amazon 都用佢。

你 click「結帳」，就會 跳轉去 Stripe 自己嘅頁面入卡號（URL 會見到 checkout.stripe.com）。
卡號、CVV、到期日全部直接交俾 Stripe，順風嘅伺服器 由頭到尾都見唔到、收唔到、唔會儲存任何卡資料。

Stripe 持有 PCI DSS Level 1 認證——係業界最高級嘅支付安全標準，同銀行、大型電商平台同一個 level。
順風嘅伺服器只會收到一條通知：「用戶成功俾咗 $X，買咗呢個產品」——就係咁多。

1️⃣ 冇 AI 幻覺，真係識算命

好多 AI 算命會亂噏，因為輸入錯、模型錯，結果自然錯。順風嘅 AI 紫微斗數，經過專業命理師校正知識庫，再由 AI 工程師設計專用推算模型，徹底解決「幻覺問題」。

出嚟嘅命理報告，準確度拍得住有多年功力嘅命理師，真正做到科技 + 命理結合。

2️⃣ 唔講大路廢話，真係度身訂造

出面好多算命網靠「巴納姆效應」——同一段描述，換個名照用得。順風唔同：我哋用真正紫微邏輯去推盤，每一份命理報告都獨一無二，貼合你嘅命盤。

仲會話你知時間點同實際行動建議——幾時要「攻」，幾時要「守」。

3️⃣ 設計貼地，易睇易明

每份命理報告都有清晰插圖 + 貼地語言，講你最關心嘅六大生活範疇。唔會用艱深術語拋書包，睇得舒服，唔使識紫微都明。

命理報告由 AI 生成，但背後嘅命理知識庫係真人專業命理師提供，再交由 AI 工程師設計成「紫微推理大腦」。

實證程度 = 專業紫微命理師親自批命，你可以放心。

1. 注冊帳號 + 新增個人檔案 — 注冊登入後，去「個人檔案」頁，新增個人檔案並輸入出生日期同時間。
2. 買點數 — 新增個人檔案後，去「商店」購買點數（1 點 = HKD$1）。例如一份十年命批 = 68 點。買套餐仲有多送。
3. 系統即時更新餘額 — 完成付款後，點數馬上入帳。
4. 揀命理報告產品 — 例如「十年命批」、「大批」、「流年」、「每日運程」等。
5. 等候生成（約 60–90 分鐘） — 紫微推算比較複雜，系統需要少少時間。完成後會 email 通知你。
6. 去「順風」頁面睇報告 — 登入即睇，唔使再填資料。

⏱ 如果超過 1 小時仍未收到，請通知我哋技術人員，我哋會第一時間跟進。你用戶體驗，係我哋最關心嘅事。

✨ 點數可以靈活使用

• 可以用喺唔同產品、唔同人物（幫屋企人、朋友做批命都得）
• 亦可以購買禮卷當禮物送出去，對方自己生成命理報告，心意十足。

因為喺商店買嘅命理報告，初期係 「未啟用」狀態，要你先揀返係邊個人物用，系統先會開始生成報告，所以唔會即刻出現喺「命理報告」頁面。

跟住以下步驟做就得：

1. 1️⃣ 去「命理報告」頁面，喺左邊面板揀 人物 同 命理報告類型（例如大批 / 十年命批 / 流年）。
2. 2️⃣ 撳 「批新一份」。
3. 3️⃣ 等 60–90 分鐘 生成。完成咗會有 電郵通知 你，到時返去「命理報告」頁面就睇到㗎喇。

⚠️ 如果你買嘅係 「每日運程」，要去 「每日運程」頁面，流程一樣：揀人物 → 啟用。

⚠️ 強烈建議先確認清楚——差一個鐘，命盤可以差好遠。

✅ 唔需要分鐘級嘅準確，只要知道大約幾點出生就得。

✅ 正確做法（按優先次序）：

1. 問屋企人，或者睇出世紙
2. 向出生醫院查詢（例如贊育醫院有留記錄，可以入紙申請）
3. 如果真係搵唔到，可以搵鐵板神算師傅「考時定刻」

📌 出生地要唔要填？

• 填埋可以幫你校準真太陽時（尤其新疆等偏西地區，真實時差可達兩小時）
• 大部份香港、台灣、沿海城市用戶，唔需要校準都準確
• 海外出生：直接用當地出生時間就得，唔使轉換時區

🌙 子時出生（23:00–01:00）要特別留意

喺子時出生嘅朋友，命盤有機會跌入下一日，令推算結果唔準確。如果你懷疑自己屬於呢個情況、影響到結果準確度，歡迎電郵 ask@fairwind.life——我哋好樂意無償幫你批出前後一兩個鐘或一兩日嘅推算結果，等你揀返正確嗰份。

大批 · 想睇一生藍圖

十個大限逐個拆解。睇晒事業、財富、感情、健康、心靈、人際嘅長期走向。知道自己幾時要喺邊度進取，幾時要打保守牌。

十年命批 · 想 focus 未來十年

詳細分析當前大限嘅重心、機會同風險。最啱準備轉工、創業、結婚、置業前睇。

流年命批 · 想知出年運勢

逐個月捉重點，邊個月要衝、邊個月要守。適合每年年初買嚟做規劃。

每日運程 · 想輕輕鬆鬆每日睇提示

簡短實用，吉日、凶日一目了然。適合訂閱制，長期用。

💡 揀唔定？

• 未買過 → 建議先試 十年命批，最貼身、最易感受到準度。
• 想全面了解自己 → 大批，一次過睇晒成世人走勢。
• 每年睇一次 → 流年命批，當係你嘅年度運勢指南。

絕對唔會。呢個係順風好重要嘅設計原則。

🔐 我哋咁做：

• 你輸入嘅出生日期、email 等個人資料，唔會送入 AI 模型
• 送入 AI 嘅只有：排好嘅紫微盤、星位、宮位——即係一堆冇辦法連結返你係邊個嘅命理數據
• 對 AI 嚟講，佢只係批緊一個又一個陌生人嘅盤

而你嘅出生資料，會存放喺加密資料庫，只有授權人員可以存取。你可以放心使用。

可以。隨時歡迎。

🗑 刪除之後：

• 你嘅出生資料、命盤、命理報告，全部會從我哋資料庫徹底刪除
• 刪除係不可逆，唔會留底

如果你想刪除，係個人檔案頁按刪除人物資料即可。你嘅資料，你話事。

一定會！

大批、十年命批、流年、每日運程只係第一批。嚟緊會推出：

• 🌐 多語言支援（繁簡書面語、英文）— 支援海外用戶
• 💑 夫妻合盤 — 睇兩個人夾唔夾
• 👶 揀寶寶出生時間 — 擇時開刀、計劃懷孕都用得
• 💬 順風GPT — 同我哋嘅 AI 命理師對話，隨時隨地解答你嘅命理問題

敬請留意順風新產品 🚀

1️⃣ 點數政策

• 1 點 = HKD$1，點數同現金係 1:1 兌換。
• 點數可以買順風網頁內任何產品。
• 點數永遠唔會過期。

2️⃣ 產品退款

• 點數一經充值，唔可以退款，但可以留待日後使用。
• 已經生成嘅命理報告（系統已輸出報告）：唔接受退款，因為報告係度身訂造，無法回收。
• 每日運程訂閱：如果係自動續期，你可以隨時取消下期扣點，但已扣嘅點數唔會退返。

3️⃣ 商店條款

• 所有價格以點數標示，1 點 = HKD$1。
• 如果因為系統錯誤導致重複扣點、或報告無法生成，請截圖並聯絡客服，我哋會優先處理、補償點數。
• 如有任何爭議，順風保留最終決定權。

4️⃣ 有問題點搵我哋？

📧 電郵：ask@fairwind.life（辦公時間內一般 24 小時內回覆）